Servis jarayonini jonli kuzating, xizmat tarixini saqlang, xaritadan servis va moyka toping, jarima hamda sug'urta muddatini nazorat qiling. Servis markazlari esa butun ishini shu yerdan boshqaradi.
Ikkita ilova, bitta ma'lumot bazasi. Mijoz ko'rgan narsa — servis markazi kiritgan narsaning aynan o'zi.
Biri mashina egasi uchun, ikkinchisi uni ta'mirlaydigan avtoservis uchun. Ikkalasi bir-biri bilan real vaqtda gaplashadi.
Mashinangizni qo'shing, yaqin-atrofdagi servis markazlarini toping va ish jarayonini jonli kuzating — ilovani ochmasdan ham.
Mashinani qabul qilishdan hisob-kitobgacha: navbat, ustalar, narxlar va statistika — hammasi bitta ilovada.
Ulov+ faqat servisni kuzatish uchun emas — kundalik ehtiyojlarning ko'pi shu yerda.
Ish boshlanganda telefoningizda jonli panel ochiladi. iPhone'da Dynamic Island va qulflangan ekranda, ilovani ochmasdan: qaysi ish ketyapti, qancha vaqt bo'ldi.
Yaqin atrofdagi servis markazlari, moykalar va yoqilg'i shoxobchalari. Xizmat turi bo'yicha filtr, masofa, reyting va yo'nalish.
Yo'lda qolsangiz — evakuator, shina ustasi, yoqilg'i yetkazish yoki tez yordam. Buyurtma qabul qilingandan keyin haydovchi kimligi ko'rinadi.
Har bir ish yozib boriladi. Probeg asosida keyingi moy almashtirish yoki texnik ko'rik muddati oldindan eslatiladi.
Davlat raqami bo'yicha jarimalarni tekshirish va sug'urta polisi muddati tugashidan oldin ogohlantirish.
Yo'l harakati qoidalari, yo'l belgilari, jarima miqdorlari va haydovchilar uchun amaliy maslahatlar — internetsiz ham o'qish mumkin.
Ulov ilovasi — avtoservis uchun ish o'rni. Qabul qilingan mashina, kim ishlayotgani, qancha vaqt ketgani va oxirida qancha chiqqani bitta ekranda. Mijoz esa xuddi shu jarayonni o'z telefonida ko'rib turadi — qo'ng'iroq qilib so'rashning hojati qolmaydi.
VIN skaner yoki davlat raqami — avtomobil ma'lumotlari o'zi to'ladi, qo'lda yozish shart emas.
Kim nima ustida ishlayapti, qancha vaqt sarfladi — ish haqini hisoblashda taxmin qilish kerak emas.
Xizmat narxlari ro'yxati, qo'shilgan qismlar va yakuniy hisob — mijoz tarixida saqlanadi.
Kunlik va oylik daromad, yuklama, eng ko'p so'raladigan xizmatlar.
Servis markazlari uchun Ulov obuna asosida ishlaydi. Amaldagi tariflar va sinov muddati bo'yicha biz bilan bog'laning.
Mashinani qoldirasiz — qolganini ilova aytib turadi.
Ulov+ — servis jarayoni ekrani
Servis markazi mashinani qabul qiladi va ilovada ish ochadi. Avtomobil sizning ilovangizga bog'lanadi.
Qaysi ish qilinayotgani va qancha vaqt ketgani telefoningizda ko'rinadi — jonli.
Ish yakunlanishi bilan bildirishnoma keladi. Yakuniy hisob ham o'sha yerda.
Har bir xizmat yozib boriladi — keyingi ko'rik muddati bilan birga.
Qisqasi: sizga. Batafsili maxfiylik siyosatida. Maxfiylik siyosatini o'qish →
Ilova bilan server o'rtasidagi butun aloqa HTTPS (TLS) orqali. Parollar ochiq saqlanmaydi.
Kirish SMS orqali kelgan bir martalik kod bilan tasdiqlanadi. Kod muddati cheklangan va urinishlar soni nazorat qilinadi.
Hisobni ilovaning o'zidan o'chirish mumkin. So'rov qabul qilingach ma'lumotlar belgilangan muddatda butunlay o'chiriladi.
Javobi yo'q savol bo'lsa — yozing, qo'shamiz.
Avtomobil egalari uchun Ulov+ bepul: yuklab olish ham, kundalik foydalanish ham. Ilova ichida majburiy obuna yo'q.
Servis markazlari uchun Ulov ilovasi obuna asosida ishlaydi — amaldagi tariflar bo'yicha biz bilan bog'laning. Sug'urta polisi kabi alohida mahsulotlar ilovadan sotib olinsa, ularning narxi xariddan oldin ko'rsatiladi.
Ilovani oching, telefon raqamingizni kiriting, SMS orqali kelgan kodni tasdiqlang va parol o'rnating. Boshqa hech narsa talab qilinmaydi.
Mashinangiz qabul qilinganda servis markazi oldingi xizmatlar ro'yxatini ko'radi — qaysi ish qachon bajarilgani. Bu ataylab shunday: oldingi tormoz ishini bilmasdan to'g'ri ta'mirlab bo'lmaydi.
Narxlar esa ko'rinmaydi. Har bir servis markazi faqat o'zi yozgan summalarni ko'radi — boshqa avtoservisning hisob-kitobi unga yopiq.
Qulflangan ekrandagi jonli panel iOS 16.2 va undan yuqori versiyalarda ishlaydi; Dynamic Island — iPhone 14 Pro va undan keyingi modellarda. Android'da va eski iPhone'larda jarayon oddiy bildirishnoma orqali keladi.
Faqat xaritada yaqin atrofdagi servis markazlarini ko'rsatish va yo'l yordami chaqirganda manzilni aniqlash uchun. Joylashuvni bermasangiz ham ilovaning qolgan qismi ishlaydi.
Ilovani oching va Profil sahifasining pastidagi "Hisobni o'chirish" tugmasini bosing. Servis markazi xodimlari uchun u Sozlamalar sahifasida turadi.
Ilovasiz o'chirish tartibi alohida sahifada yozilgan.
Savol, taklif yoki hamkorlik uchun yozing. Odatda bir ish kuni ichida javob beramiz.
Yuklab oling, telefon raqamingiz bilan kiring — bir daqiqada tayyor.